華僑城 [25-26 Dec]

好凍呀...><"　不過未去過都可以去下既，但只係一次
住新開果間酒店,幾乾淨
都係睇下野，影下相咁，始終大陸人都係無乜禮貌,,,
食左餐唔錯既聖誕大餐

酒店篇 - 咕咕鐘黑森林酒店 [25-26 Dec]

住新開既酒店,幾乾淨

響山上, 所以無咁歡迎, 因為夜晚唔可以離開華僑城, 不過住山上有一個好處, 可能第1日玩山上, 第2日山下, 同大多素人相反, 唔洗迫

因為新,所以就算房間白色為主調都仲好乾淨(遲d唔禁講=..=")

外型好似城堡

最鍾意盞床頭燈

酒店只有twins bed room, 床頭有雀仔同鹿, 幾可愛

我住"池景房",多個露台,望到泳池, 不過天氣咁凍都無乜出過去

澳門行 [5-6 Dec]

今次呢個trip, 一心去睇水舞間, 點知好多間都無房lu, 最後決定比多少少住好d, 所以佢就book左四季, 話我最鍾意呢d喎=.="
上次去左好多度,所以呢次無咁多地方要去,坐12點船, 去到威尼斯人food court食左少少野, 諗住去酒店check in, 點知佢話未有房,咁未請我地去左飲茶,仲送左2張飛比我地下次再去澳門, 無啦啦賺左,好快就上得去,幾大間!!! 張狀仲好鬼死高, 有埋靚景就好lu
我地趕住去燈塔,驚佢close, 所以即刻搭的士上去, 去埋防空洞,5點去到, 佢5:30close, 岩岩好~
睇完坐纜車落番黎,番酒店~

一放底野,見到多左盤生果, 原來係酒店送黎,話之前唔好意思要我地等喎~呢度service真係幾好
好肚餓,去食buffet, 原本想試MGM, 點知full booking,其他又麻麻地,大老細話sponser食好d, 所以響番四 季食, 雖然比其他酒店buffet貴少少, 但係都值, 坐足幾個鐘, 食物不停refill, 唔洗爭, 又唔會好迫人,而且有好多甜品! 全部都好好食, 最欣慰佢個龍蝦, 食左成半打 *O* 食完捧住個肚去威尼斯人行下影相, 玩左幾鋪輸左幾舊, 好彩有人比番~ 先有mood去影相,番到酒店去左泳池行下, 有暖水池, 第2朝可以游水lu~ 一番房浸浴訓覺

5 Dec (SUN)
9am 起身, 去泳池, 好猛太陽, 水好暖好舒服, 仲有個4x度按摩池, 好鬼梳呼~番房沖涼食早餐,hoho比我教壞左, 又話要room service, 咁又真係幾爽既~食完1點走, 直逼永利玩, 我地兩個都贏錢,好開心! 夠鐘去睇<水舞間>, 去到佢話機件故障, 要取消>< 真無奈, 不幸中之大幸係佢compensate左$2000+兩張ticket, 咁我地1月2日又要去多次lu...

唔知做乜好,行下新濠天地,去food court食野, 再番去食拉麵, 經過永利又心思思玩幾舖,點知輸番$500!!! 好彩又有人比番我, 我地就好滿足咁去食拉麵=] 佢成日講住話鋪頭個女仔似我, 我都唔覺...=.="
 

酒店篇 - Four Seasons Hotel [5-6 Dec]

因為食四季個buffet,於是book四季, tradition 5star hotel, 服務一流, 因為未交到房,請我地去louge tea
個dinner buffet 都好有水準

hotel lobby

房間無乜特別

Toilet

一路睇電視一路浸浴

Working desk on the other side

swimming pool

in-room breakfast, so far so good

Living area

仲有個work station

Very delicious breakfast

Swimming pool at night

Hotel lobby

酒店篇 - Mandarin Oriental Hotel [16-17 Oct]

呢幾年,多得自遊行,澳門酒店越黎越貴, 但係都照full, 今次揀番新既文華, 唔fully book 可能因為佢無賭場,最近都要行番去MGM, 我幾鍾意佢咁靜,check-in 係響房入面架
Mandarin service 不嬲出名好, 加埋間房decor, 佢係我暫時最喜愛一間酒店 ~ 

King-sized bed, 床褥超舒服!

對海work desk!

drink bar+coffee machine

toilet+shower

bath tub

Best part - 270度落地玻璃海景

廁所都有view,仲好大

infinity poo

Best room service breakfast i had!

澳門之旅 [16-17 Oct]

16 Oct (SAT)
一早起左身, 仲係有d頭痛,最後遲左出門口, 買黃牛船飛,$250each
呢兩日好多人去,無計~好彩唔洗我比

           
到澳門果時差唔多1點,本來去食拉麵,但上船前既早餐都未落格=..=" 行程第1站,媽閣廟,原來我之前無黎過架!!!!!!~

行完就番酒店,好緊張,因為LKH話好靚架,入到lobby個reception話同我地直接上房check-in, 上到去,尾房....之後佢話呢種房全部都係尾房,
我一入到去就明,因為佢個景,好正呀~~~

      ~~新東方文華, next to MGM~~

  ~我最鍾意呢個位,仲要有咖啡機!!!~

         ~wut a cozy room with comfortable bed ~

       

廁所都有view,仲好大~

  
係酒店HEA左陣,出發去黑沙灣食Fernando葡國菜,人地話要等好奈,可能我地早(未夠6點),等左一陣為就有位, 叫左最出名既燒乳豬, 馬介尤炒飯,鹽燒排骨, 加埋佢送果兩個大包同啤酒,食到捧住個肚!!! 漫步沙灘, 都唔係好特別,搭車番酒店~

約左呀昌9點一齊去啤酒節,點知去到佢就走,原來要趕船,我地反左陣,飲下酒,聽下歌,d人好high, 但我唔係好投入到,
都係clubbing好玩d 被迫去食拉面做宵夜,番到去上磅,又重左....

Room view at night

              
17 Oct (SUN)
第2朝, 9點起身落去泳池游水,得我地兩個, d水好鬼凍,我成日坐係個暖水池度唔願走~玩左陣就訓上去沖涼

好想出去飲茶,但係hea下hea下, 最後都係決定叫Room service~我最鍾意咁樣食早餐,super relax,間房咁靚,梗係要嘆奈d~

食完12點check out,放底野係永利, 打的上炮台山,去左澳門博物館, 好抵好多野睇~再落去大三巴, 墳墓,
食左胡椒餅,無上次咁好食,同去左義順食雙皮奶

最後永利拼博,我玩大細,輸左$$唔開心,夠鐘就去新葡京食buffet!!!
真係好多野食, 好多款式, 不過我呢兩日食左好多野,唔係幾食到 ><

食完棒住肥吐番香港,唉,,,又重左,,,,,